DER GENERAL-SHTRAYK (Mordechai Gebirtig)
epes dakht mir, s'iz a kholem
zeendik far zikh a bild
fun a velt mit fraye gayster
fraye mentshn, shtolts un mild.

yo, a kholem, den ersht nekhtn
iz di velt gevezn trib
un dos lebn iz vi itster
nisht geven mir azoy lib.

nekhtn nokh hob ikh fun leydn
un fun shmerts gehert a lid
un gezen vi af di shteyner
trifn tropn shveys un blit.

haynt di erd iz in di gasn
fray fun trern, shveys un blit:
mentshn trogn yontef-kleyder,
veynen, krekhtsn her ikh nit.

ale kromen un fabrikn,
alts vos nutsn brengt der velt:
ayznbanen un damf-miln,
alts, yo alts, hot zikh geshtelt.

mentshn, velkhe ikh hob nekhtn
ersht getrofn geyn in gas
fun der arbet, opgerisn,
oysgehungert, mid un blas,

geyen haynt vi di soldatn
shtolts in reyen oysgeshtelt
un fil toyznt shtimen zingen
lider fun a nayer velt.

fun a velt, vu s'folk vet hershn
ot di shvartse shvere hent!-
un di royte fener royshn
akh! vi sheyn iz der moment!

royte fener nit tsum tseyln,
tsvishn zey ze ikh mayn hant:
haltndik a shvern hamer,
brekhendik di shklafnvand.

un mayn harts heybt on zikh raysn
epes volt ikh vern shnel,
az mayn tsveyte hant zol helfn
makhn fun der vant a tel.

plutsem vert vi af a fridhoyf
shtil bald hert zikh a gezang,
he!! geshlogn hot di shtunde
fun a frayer velt on tsvang.

un dort oybn af dem turem
shlogt di sho der zeyger bald
un di royte fener royshn
un es freyt zikh yung un alt!

epes dakht mir s'iz a kholem,
zeendik far zikh dos bild
fun a velt mit fraye gayster,
nor nit lang zikh fray gefilt.

yo, a kholem den der zeyger,
vos bashtetikt hot dos lid,
vekt un shlept mikh fun geleger:
oyf! dayn shtikl broyt gey hit