أخرتها إيه مبقتش قادر ع السكوت
كرهت الأمل ولا هو عايش ولا بيموت
سألت نفسي كل الأسئلة البديهية
إنت مين إنت ليه جاي الدنيا ديّ
بتغني للشهرة فلوس ونجومية
ولا صاحب قضية مصدق فعلاً في أغانيّ
الإجابات كلها عكس عكاس
إجابة من دماغي والثانية بالإحساس

والثالتة متوسطنة ع الميزان بالمسطرة
كل الأفكار جوايا راقدة متكدرة
مخنوق والطريق مسدود
لازم توطي رأسك علشان تفوت

لو مش مصدق بص لفوق على النجمة البعيدة
نورها زي قلته ما يبنش الحقيقة
لكن إحنا الشمس وروحنا وراها نتحرق نور سماها
كل يوم يعدي نروح نموت فداها

يلا نغني اللي جوانا، جوانا
غنوة ساكتة من غير كلام
إحنا بس اللي نفهم معناها
غنوة تجمعنا ولو في الخيال
يلا نغني اللي جوانا، جوانا
غنوة ساكتة من غير كلام
إحنا بس اللي نفهم معناها
غنوة تجمعنا ولو في الخيال

ببص في المرايا وخايف عيني تيجي في عيني
مكسوف من نفسي بهرب منها مهما بتناديني
أنا بغني ليكم ولا بغني عليكم
أحمي نفسي أنا ولا احميكم

مش عاوز أبقى نجم من النجوم وازين العتمة وسط الغيوم
مش عاوز أعيش كذبة كل يوم أو حلم جميل خايف منه أقوم
أنا عاوز أكون أو لا أكون يا اعيش حر يا اعيش مدفون
آه زهقت من المواربة والفكرة شاردة جوايا حرب باردة وأفكار كثير معاندة
مزنوق في خانة إليك مش لاقي منها فايدة الفكرة لسة صامدة مهما العمر يطول
آه، جوانا عالم وحياة ممنوع يا ناس تتعاش جوانا فكرة في مكانها بس مقولنهاش
جوانا منطق عايز يبدأ كذبة كبيرة دايما تسبق تقول لك إلحق غيرك أشطر متحاولش

يلا نغني اللي جوانا، جوانا
غنوة ساكتة من غير كلام
إحنا بس اللي نفهم معناها
غنوة تجمعنا ولو في الخيال
يلا نغني اللي جوانا، جوانا
غنوة ساكتة من غير كلام
إحنا بس اللي نفهم معناها
غنوة تجمعنا ولو في الخيال