إضحك كإن الفرح، مقسوم عشان ضحكتك
وإزعل كإن البكى، عمره ما هيموتك
إعشق كإن الهوى، طيب وكله أمان
فارق كإن اللقى، معرفش يوم سكتك

إيه من الحياة تشتهي، غير الرضا في عينيك
لمسة إيدين تعشقك، لمة صحاب حواليك
دنيا غريبة إنما، فيها حاجات ملهمة
زي النجوم في السما، طالعة عشان تهديك

إضحك كإن الفرح، مقسوم عشان ضحكتك
وإزعل كإن البكا، عمره ما هيموتك
إعشق كإن الهوى، طيب وكله أمان
فارق كإن اللقى، معرفش يوم سكتك

غني بصوت يعجبك، ليلي ويا عيني وآه
وأما الحياة تغلبك، متخافش قولة آه
وإن دقت لحظة هنا زود ساعتها الغنا
أحلام كثير ممكنة، لو بس صدقنا

إيه من الحياة تشتهي، غير الرضا في عينيك
لمسة إيدين تعشقك، لمة صحاب حواليك
دنيا غريبة إنما، فيها حاجات ملهمة
زي النجوم في السما، طالعة عشان تهديك