Harrie hef een winkel in de Grote Straot
Bakt zien breudjes hard en zacht
Altied drok hee warkt zich uut de naod
Van smarges vrog tot late in de nacht
Van de winkel geet hee naor de bakkerij
Dut wat ziene vrouw van em verwacht
Wat der op is maakt ons Harrie dan weer bij
Fientjen kik em nao en zee lacht

Dat krij van mien wal weer
Dat za'k ow laoten zeen
Misschien wal volle meer
Van mien van mien alleen

Fientjen lop te huden in 't achterhuus
Negen kinder wodt daor groot ebracht
Immer vrolek altied goeien zin
Maor waes eerlek 't is een hele vracht
Moeken vol met wasgoos toddet zee in 't rond
En dat alles zonder enen klacht
Harrie krabbet zich es waor 't em good jokt
Dech: Hadde wij der nao maor acht