'n Kotterboerken achter 'n heg
Afgelaegen wiet van de weg
Beeste en blagen in de modder
Geluk gong veur geld 't was der in odder

Twee teils op 'n wagen daorveur een old peerd
't Zag der neet uut maor veur em alles weerd
De kinder uut 't darp dee repen van Kiek em
Mangs reden zee met al mos dat dan stiekem

Schellen en korste verschimmelde stoeten
Dat is jo 't beste veur pauwen en poeten
Hee kwam wal van hier maor i-j wet hoo dat geet
Hee heuren der bi-j maor lever ok neet

Bi-j 't huus had hee altied de tonne op 't vuur
Silovoer kon neet dat was em te duur
Um 't geld kon hee 't wark op 't fabriek nog neet laoten
't Leefst ging hee rond met zien peerd langs de straoten

Old iezer dat kwam em altied good van pas
't Stok em neet hoo verroested 't was
Hee sloppen 't met al was 't ok prottel
Oostindisch doof veur al dat genottel