Daor stao'j dan mooi met leuge hande
Boh dat 't altied zo mot gaon
Allene lig ij in ow mande
't Warme etten lao'j weer staon

't Was op de legere schole
Ij kwamen jo altied an 't hekken veurbij
Honderd paar ogen dee kekken
Maor ij kekken nooit es naor mij

En wet ij nog toen met mien Sparta
't Spatbord daor had ik ow naam op ezet
Ik krege toen ruzie met Martha
Want daor ging ik feitelek met

Toen gingen wij endelek hen dansen
Wij waarn zo'n betjen zo'n achttien jaor old
Maor weer kwam ik neet an 't sjansen
Want ik ging veur zilver en ij ging veur gold

Wat schrok ik toen ij gingen trouwen
Ow vrijer den he'k toen de wacht an ezeg
Ik zei nog: dat zal ow berouwen
Maor oh wat begrep e dat slech