وشي للبار وظهري للمكان
مش قادر ناس مش قادر ع الكلام
تمام برمي السلام
لكن ده ما يمنعش إني زهقان
عاوز شوشرة بدون أي احتكاك
أنا عايز حب كبير مش قادر ارتباط
أنا عاوز لمة عشان لما بروّح
دماغي بترقصني وبفكر في حاجات

حاجات جوايا أنا لسه مش عارفها
حكايات وقصص كثير أنا لسه بألفها
حاجات جوايا أنا لسه مش عارفها
حكايات وقصص كثير أنا لسه بألفها

سألني إنت مين قلت له بحاول أكون أنا
لعبت أنا ونفسي لعبة الأسئلة
والحقيقة النتيجة كانت مذهلة
مخجلة شوية لكن هحكي لك
بحب الموناليزا عشان الناس بتحبها
بس الحقيقة عمري في يوم ما فهمتها
عندي شوية مبادئ لكن متجزئة
عندي مشاعر فاضل تكة وتبقى ملزقة
بضحك ساعات في السينما على ضحك الناس
بس الحقيقة الفيلم غبي مافيهوش أحداث
بعمل حاجات كثير محفوظة مش مفهومة
حبيت عشان حاجات كثيرة غير الإحساس

حاجات جوايا أنا لسه مش عارفها
حكايات وقصص كثير أنا لسه بألفها
حاجات جوايا أنا لسه مش عارفها
حكايات وقصص كثير أنا لسه بألفها

الطريق قصادي بس السبق مش سباقي
العالم ده متساق مش عايز منه حاجة
الناس بتجري حافظة ماشية ورا الباقي
عالم كله كذاب أكثر من الخواجة
مش مهم، مش مهتم
لسه مش لاقي الحلم اللي يصحيني
المهم خليني أحكي لك
خليني أحكي لك شوية عن

حاجات جوايا أنا لسه مش عارفها
حكايات وقصص كثير أنا لسه بألفها