قلت لها وحشتيني قالت وإنت كمان
هو احنا كنا بعدنا ليه ما نحاول مرة كمان
مش فاكر آخر مرة اتكلمنا كان إيه الكلام
ما حدش فينا حاول واستسهلنا السلام

يمكن كنا تايهين مش لاقيين حلمنا
يمكن كنا محتاجين نعرف نحب نفسنا
او يمكن اتقابلنا في وقت مش وقتنا
يمكن كنا مش فاهمين إننا

بنحب بعض بس الحب مش كفاية
زي المشاهد قبل تتر البداية
زي اغنيه بس مش بتقول حكاية
زي الدنيا وأنت مش معايا

قالت لي تيجي نهرب من هنا ونروح بعيد
ننسى كل حاجة مؤلمة نبدأ من جديد
نعيش حياتنا اللي في خيالنا هي، هي
مش مهم المكان بس نعيشها بحرية

مش أكيد هتبقى مثالية زي حلمنا
بس ممكن تبقى حقيقة زينا
نلاقي كل حاجة بنتمناها بقت ملكنا
لكن خايف ساعتها ننسى إننا

بنحب بعض بس الحب مش كفاية
زي المشاهد قبل تتر البداية
زي اغنيه بس مش بتقول حكاية
زي الدنيا وأنت مش معايا