الصمت أبلغ من تواصيف الأشعار
قِـدّام زينك هاللي صعْب إيـتِـشَبّه
زين ٍيبي لهْ مْن الفضا وَصْف وأفكار
وْ ما مثْـله إلاّ بْكوكب الأرض حَبـّة

ياعيونك اللي تخطف الباب وأنظار
وْ يا وجهـِك إنتي ألف سبـحان رَبـّه
يسعد جمالك هاللي تحرسْه الأذكار
وْ مْحال عين إتـشـوفـه وْ ما تِحِبـّه
—-
بك من سمو الغيم ومن جود الأمطار
أصل ٍ رفيع الساس وْ عذْب ٍ مصَبـّه
وْ بِك رِقـّة ٍ تـدعي نعومتـها الأزهـار
إن مَـرّهـا ظِـلّـك عـلـيـكِ إيـتـِنَـبّـه
—-
خـَذتي من الأمهار..وَقـفات الأمهار
و عْنوق الأريام اللي رَسْمَتـها صَبّه
ونظرات حـّرٍ مَرقـبـه فوق الأوكـار
وْبَسمة يقال إنها دوا الحزن وطِبّه
—-
مَصيـونة ٍ في قْلوبنا صغار وكبـار
دانـة و في مـحـارة ٍ وسـْط غُـبـّـة
مريم ومن مثلك يْامريم في هالدار
وإنتي القمر يفرَح إذا بِك تِـشَبّـه