طـلّـي ..
طلّتك كل الكواكب تنتظرها
وكل نجوم الليل ، تتحرّى اثرها
والحسن ما له بعد زينك وجود
ليلتك .. وانتي قمرها
انتي قمرها يا العنود
طـلّـي ..
في حفظ اللي عيونه .. ما تنام
ويكمّل الفرحه مثل بدر التمام
وبـ اثر خطواتك بـ تنبت ورود
ليلتك .. وانتي قمرها
انتي قمرها يا العنود
طـلّـي ..
صلوا على محمد
عليه افضل سلام
صلوا على خير الورى
صلوا على خير الانام

..

الموعد الـ منتظر ازمان .. حان
يا آية الحسن الذي صاغه الرحمن
موعد قدومك حان

واقبل من هناك النور
وجانا من ضياك النور
لا هي شمس ولا قمره
اشرقت .. بنت منصور

اقبلي بنجد العذيّه ..
حظها بأغلى عروس
العنود وهذا يومك
افرحي منهو يلومك



جعلها عشرة دهر
جعلها ورد وزهر
ليلتك .. وانتي قمرها
انتي قمرها يا العنود

انتي وبس ..
لا تزامنتي بـ وقتك مع طلوع الشمس
وقفت لك هي وقالت :
انتي وبس ..
لا تواجهتي بـ قمره .. والليالي همس
استحت منّك وتوارت :
انتي وبس ..

خالقك ربي جميله وغارسٍ فيك القبول
من عنادك لشموخك ملفته ترفه جفول
انتي وبس

..

غضةٍ طلقة محيا فيك من عذب الخصال
ولو بغيتي خذتي كل الزين منهو يمنعك

بك وصوفٍ من لمحها ما يقول الا : خيال
جل ربٍ فوق عرش الحسن نصّب موقعك

فارقه ما تشبهين إلاك يا صعب المنال
ولك محبه يا العنود وكل قلبٍ يوسعك

حظّه اللي حبّه ربه .. وفاز في قلبك ونال
حظّه اللي ربي كاتب له العمر كله معك