तुला आळवीता जीवन सरावे
तुला आळवीता जीवन सरावे
अनंता तुझे रूप नेत्री भरावे
तुला आळवीता जीवन सरावे

तुझे नाम ओठी तुझा ध्यास चित्ती
तुझ्या दर्शनाने मिळे आत्मशांती
तुला अर्पितो ही पुजा भक्तीभावे
तुला आळवीता जीवन सरावे

तुझ्यावीण अम्हां नसे कोण त्राता
अनाथास तू नाथ तू विघ्नहर्ता
तुला संकटी मी सदाही स्मरावे
तुला आळवीता जीवन सरावे

आ जगन्नायका रे नको अंत पाहू
जगन्नायका रे नको अंत पाहू
मना मोही माया किती काळ साहू
निराकार हे रूप साकार व्हावे
तुला आळवीता जीवन सरावे