तू नवे सूर जीवनीया
घेउनिया येना
आज आतुर ओंजळीला
चांदणे देना
बहरूदे दिनरात सुखाला
उमलत्या अलवार मनाला
दे तुझी चाहूल देना
तू नवे सूर जीवनीया
घेउनिया येना
आज आतुर ओंजळीला
चांदणे देना

बरसता आभाळ माझे
चिंब तू व्हावे
मिसळूनि माझ्यात माझे
अंग तू व्हावे
विसरुनी जग थांबलेल्या
अधीर या हळुवार क्षणाला
दे तुझी चाहूल देना
तू नवे सूर जीवनीया
घेउनिया येना
आज आतुर ओंजळीला
चांदणे देना

उजळण्या अंधार वाटा
हो नवा तारा
गंध वेडा अंगनिया
वाहू दे वारा
बिलगूनी पदरास तू माझ्या
रुजून या उदरातून माझ्या
दे तुझी चाहूल देना
तू नवे सूर जीवनीया
घेउनिया येना
आज आतुर ओंजळीला
चांदणे देना