उठ रे राघवा
उठ रे राघवा
उघड लोचन आता
उठ रे राघवा

सूर्य क्षितिजावरती कांचनाच्या रथी
रत्नकण सांडिले या सुनिर्मय पथी
देव प्राचीवरी देव प्राचीवरी
उधळिती वैभवा
उघड लोचन आता
उठ रे राघवा

पांखराचे गळे जाहले मोकळे
किरण पाण्यावरी उतरले कोवळे
उमलत्या पाकळ्या जाग ये राजीवा
उघड लोचन आता
उठ रे राघवा

जाग रे राजसा संपली ही निशा
गंध चोहिकडे उजळल्या दशदिशा
तेज आनंद रे तूच माझ्या जीवा
उघड लोचन आता
उठ रे राघवा उठ रे राघवा