1.
Bon vin, je ne te puis laisser
Je t'ai m'amour donnee
Ane hauvoy !
Je t'ai m'amour donnee
Souvent m'as faict la soif passer
Bon vin, je ne te puis laisser
Ne soir, ne matinee
Ane hauvoy !
Ne soir, ne matinee.

2.
Tu es plaisant a l'emboucher
J'aime tant la vinee
Ane hauvoy !
J'aime tant la vinee
Je prens plaisir a te verser
Tu es plaisant a l'emboucher
Tout au long de l'annee
Ane hauvoy !
Tout au long de l'annee.

3.
Soubz la table m'as faict coucher
Maincte foys ceste annee
Ane hauvoy !
Maincte foys ceste annee
Et si m'as faict dormir, ronfler
Soubz la table m'as faict coucher
Toute nuit a nuitee
Ane hauvoy !
Toute nuit a nuitee.

4.
Et ma robe a deulx dedz jouer
Chanter maincte journee
Ane hauvoy !
Chanter maincte journee
A la maison d'ung tavernier
Et ma robe a deulx dedz jouer
Passer ma destinee
Ane hauvoy !
Passer ma destinee.