Ich bin nû sô rehte frô
Daz ich vil schiere wunder tuon beginne
Swenne ez sich gefüeget sô, daz ich erwirbe
Mîner frouwen minne

Disen wünneclîchen sanc
Hân ich gesungen mîner frouwen ze êren
Des sol si mir wizzen danc
Wan ich will iemer durch si fröide mêren

Seht, sô stîgent mir die sinne hôher danne
Der sunnen schîn, genâde, ein küniginne!

Hœrâ Walther, wie ez mir stât
Mîn trûtgeselle von der Vogelweide:
Helfe suoche ich unde rât, diu wol
Getâne tuot mir vil ze leide

Ich bin nû sô rehte frô
Daz ich vil schiere wunder tuon beginne
Swenne ez sich gefüeget sô, daz ich erwirbe
Mîner frouwen minne

Seht, sô stîgent mir die sinne hôher danne
Der sunnen schîn, genâde, ein küniginne!