In un scornu di lu mondu
Ci hè un lucucciu tenerezza
Ind'u mio core, maestosu
Imbalsama di purezza
Ghjuvellu di maraviglie
Un ne circate sumiglie
Un truverete la para
Ghjè unica, sola hè cara

Còrsica

Face sempre tant'invidia
Su scogliu ciottu in mare
Tesoru chi spampilla
Sacru cume un altare
Calma, dolce cum'agnella
Generosa e accugliente
Si rivolta e si ribella
S'omu disprezza a so ghjente

Còrsica
Còrsica
Còrsica
Còrsica