بشوفك لما السما تصفا لي
كثير عليّ الحزن اللي في قلبي دا لو ترضى لي
مادد إيديّ ومش طايل وباصة لي
مافيش فيّ شئ جميل زيك فصعب تختاري

لما تحزني بتداري الغيوم خدك
بس أنا الوحيد اللي عارف إن المطر دمعك
لما تحزني بتداري الغيوم خدك
بس أنا الوحيد اللي عارف إن المطر دمعك
آه لو بس أقدر الليلة أكون جنبك
بس حتى لو قدرت أقرب أتحرق من ضيك قبل ما أوصل لك

آه بشوفك لما السما تصفا لي
كثير عليّ الحزن اللي في قلبي ده لو ترضى لي
مادد إيديّ ومش طايل وباصة لي
مافيش فيّ شئ جميل زيك فصعب تختاري

وبسأل نفسي ألف سؤال
هنرجع ثاني ولا محال
عشقك مني ليه يتشال
وليه سايباني في أصعب حال
بشوفك ليه في كل مكان
كإن ما بينا ألف معاد
ولو تفصل ما بينا بلاد
هسيب روحي تكون سابقاك

غمضت عيني وسيبت إيدي للهوا يمشيني
حاولت بعدك أعيش ولا حاجة بتنسيني
كل الشوارع مشتاقين ويشهد عليّ حنيني
ولما شوفت عينيك ما قدرتش أمسك عيني

أنا ما اختارتش اللي أنا فيه ولا عملت حسابه
قلبي سألني غايب ليه وروحي واقفة على بابه
لا مني نسيت ولا مليت ولا قلبي قد عذابه
واحشني وقل لي أعمل إيه
وفين ألاقيك

وده الحلم اللي ما حلمتوش
يعدي اليوم وأنا ما شوفهوش
بيوحشني وما بوحشهوش
ده كلام كان نفسي ما قولهوش
وكنت العاصي في شريعتي
مع إني شاري لو بيعتي
وفاتح قلبي لو ضيعتي
ده عشمان فيك فما تردوش

وبسأل نفسي ألف سؤال
هنرجع ثاني ولا محال
عشقك مني ليه يتشال
وليه سايباني في أصعب حال
بشوفك ليه في كل مكان
كإن ما بينا ألف معاد
ولو تفصل ما بينا بلاد
هسيب روحي تكون سابقاك