لكل المغاربة اللي في الكون السلام عليكم
ييه معاكم مسلم المتمرد حتى للكفن
واش أعشيري تخيل معايا الواقع فحال شي لوحة
وأنا الرسام تخيل معايا شني نقدر نرسم الخاوة ديالي ييه ياو

لو كان الواقع لوحة لو كنت أنا الرسام
نرسم بكل الألوان نرسم كل الأحلام
نرسم من طنجة حتى للكويرة كلشي هايز الأعلام
نرسم بلادي زادت ألف خطوة للقدام
نرسم شحال من مدرسة أطفال في إيديهم الأقلام
كلشي قاري وخدام الأمية غير أوهام
البطالة غير كلام في لسان الناس القدام
لا سرقة ولا إجرام الوقار والاِحترام
نرسم سبيطارات كبار دلعين في كل مكان

دكاترة بزاف والشعب يتداوى بالمجان
نرسم البرلمان وناس فيهم الأمان
خدامين نهار وليل باش أنا نعيش مزيان
نرسم ولد الدرويش يقرا مع ولد فلان
والفرق اللي كاين بيناتهم في نقطة الإمتحان
نرسم عيون بلا دموع وقلوب بلا أحزان
نرسم ونزيد نرسم مادام عندي الألوان

نرسم نهار وليل نرسم أحلامي ألوان تسيل
حتى إذا كان اللون قليل نرسم بدمي حتى آخر ميل
حتى آخر ميل
نرسم نهار وليل نرسم أحلامي ألوان تسيل
حتى إذا كان اللون قليل نرسم بدمي حتى آخر ميل
حتى آخر ميل

نرسم آخر طفل خارج من دار اليتامة
شابرين في إيده ناس رسموا على وجهه الابتسامة
نرسم آخر طفلة كانت في الديور خدامة
ودابا في إيدها الكتوبة وماشية تقرا بكل كرامة
نرسم شوارع كبار فضاءات للترفيه
في كل حومة نرسم ملعب ودراري يلعبون فيه
نرسم كرنيش طويل بلا كازينو ولا بار

نرسم شحال من جامع مفتوح ليل ونهار
نرسم بنت بلادي ساترة راسها بالحجاب
نرسم شاب ناوي الخير قاصد الباب
نرسم طريق ما فيها زبل ما فيها حفاري
نرسم مواطن غير طاح والإسعاف ماشي جاري
نرسم الدرويش خارج من السوق والقفة عامرة
راجع نداره يضحك البراكة بقى حاضرة
نرسم مسكين خلص الداو والماء وخرج نشطان
ونرسم جار فرحان حيت جاره بات شبعان

نرسم نهار وليل نرسم أحلامي ألوان تسيل
حتى إذا كان اللون قليل نرسم بدمي حتى آخر ميل
حتى آخر ميل
نرسم نهار وليل نرسم أحلامي ألوان تسيل
حتى إذا كان اللون قليل نرسم بدمي حتى آخر ميل
حتى آخر ميل

نرسم حوانت للي رزقه مفرش له في الأرض
ملاجئ للي ناعس في البرودة ومغطي بالبرد
نرسم ديور للي باقين ساكنين غير في البرارك
نرسم مشروع للي باقي مفكر يمشي حارك
نرسم مدير د الحبس مهالي في الحباسة
مسجون في إيده دبلوم في المجتمع عنده بلاصة
نرسم في كل الحوم سبيطار للمدمنين

نرسم المحسنين يوعطوا حق المساكين
نرسم ناس من جميع الفئات كلشي ماشي يصوت
نرسم المظلوم يرجع له حقه بلا ما يغوت
نرسم موظف عادي قادر يعيش أسرة
ونرسم الزبال يتخلص أحسن أجرة
نرسم مغربي مغرّب وعنده المغرب في الدم
نرسم بلادي معولة على للي باغي يخدم
ونرسم رسام رسم راسه يحلم
باللي بلاده لوحة وباغى اللي يرسم

نرسم نهار وليل نرسم أحلامي ألوان تسيل
حتى إذا كان اللون قليل نرسم بدمي حتى آخر ميل
حتى آخر ميل
نرسم نهار وليل نرسم أحلامي ألوان تسيل
حتى إذا كان اللون قليل نرسم بدمي حتى آخر ميل
حتى آخر ميل

نرسم نهار وليل نرسم أحلامي ألوان تسيل
حتى إذا كان اللون قليل نرسم بدمي حتى آخر ميل
حتى آخر ميل
نرسم نهار وليل نرسم أحلامي ألوان تسيل
حتى إذا كان اللون قليل نرسم بدمي حتى آخر ميل
حتى آخر ميل