هاذي قصة د واحد عنده الفلوس بزاف
ما عرفشي يختر كيف يعيش ولا كيف يموت

كيفما ديما شابر الطبلة، الشراب الغالي غير مهرق
الفلوس بزاف والصالة مقربلة
رجل فوق رجل حڭار بالضحكة يقتل
يدي عينه في البيستة شاعلة
مثقل بالذهب، لابس غير الماركة
وجياب بلان خونا پانڭة
عايق بالحشرافة واللي دايرين بيه هرافة
وعدوه ملي شافُ تفافا
وحروفه خانزة غي على سبَ يسب
البنات يتسناو منه غمزة
كيبان لهم همزة شباكي مشبكة
واللي شلطاته هي القافزة
كل شي خدام كل شي كيتسخر
غير بصبع بلانطو جا بلانطو توخر
عمارة طالعة وعمارة مشات في المنخر
فلوسه فحال الماء طاح و تبخر

هادي هي حياة الليل حياة مقودة حياة معاودة الحياة السودة
ما ترتاح في حياة الليل لا في الفوضة لا في الضوضة لا في الروضة
هادي هي حياة الليل حياة مقودة حياة معاودة الحياة السودة
ما ترتاح في حياة الليل لا في الفوضة لا في الضوضة لا في الروضة

بلانطوس يزلقُ في الكلام ويسمعوه المديح
إذا قال أنا كانطير كلامُ ديما صحيح
كابا دياله شابعة مسيح ثايق في راسه مليح
الفلوس بزاف ردوه مفَرْعَن قلبُه قبيح
فمه محلول بزاف يهدر غير بالأنا وأنا
كل مرة عندُه طبيعة كل مرة عندُ ڭانة
مرة يبغي نحلة مرة يعشق ذبانة
مرة يعطي قرعة مرة يلبس لاجوانا
ملي الحشرافة يتحشرفُو هو عندُه متعة
دايماً راس د السوق دايماً الراس د الڭطعة
يدُه ديما ممدودة نلي يبوسها ويرطعَها
أما اللي جاها بنفسُ خلالُ في قلبه نطعة
مكرهشي يشري أي حاجة ماشي محتاجها
مكرهشي يملك البحور يتحكم في مواجها
خونا مريض وسبابه فلوسه
شحال من ذباح ذبحه موسه

هادي هي حياة الليل حياة مقودة حياة معاودة الحياة السودة
ما ترتاح في حياة الليل لا في الفوضة لا في الضوضة لا في الروضة
هادي هي حياة الليل حياة مقودة حياة معاودة الحياة السودة
ما ترتاح في حياة الليل لا في الفوضة لا في الضوضة لا في الروضة

الشراب بدا طالع فيه حس براسُه بدا كايدوخ
الليل باقي طويل لازم يفتّح المُخ
بانت له يغبر فوق الطبلة سطر
قلب في لِّي كانوا معاه جرا عليهم وقَطَّر
كل شي ناض من حداه خلاوه بوحده ينفّح
شرط كرط والو باقي ما رتاح
مخُه باقي مشدود والسكرة ما بغات طير
الغبرة دالعة مكان علاش التسطير
كيلو د الكوكا فوق الطبلة
وجهو مخشي فيها يكلها كول تنفيحة للمخ واصلة
صداع بزاف د الموسيقا شاعلة
ناس خارجة داخلة بيستا نايضة مخبلة
ناس عقلها غابلة ناس تصطاد الغفلة
ناس باغة تربلها
ناس مزرفين ناس، وناس غير سحابلها
حتى طلع الصباح سلات الحفلة
عاد ردُوا البال لخونا مات فوق الطبلة

هادي هي حياة الليل حياة مقودة حياة معاودة الحياة السودة
ما ترتاح في حياة الليل لا في الفوضة لا في الضوضة لا في الروضة
هادي هي حياة الليل حياة مقودة حياة معاودة الحياة السودة
ما ترتاح في حياة الليل لا في الفوضة لا في الضوضة لا في الروضة

هادي هي حياة الليل حياة الحفاري حياة الزهو حياة الزواق والنفاق
ما تما والو خوتي، هادي قصة د واحد نتمنى تديوا منها العبرة
معاكم مسلم
هادي هي حياة الليل حياة مقودة حياة معاودة الحياة السودة
ما ترتاح في حياة الليل لا في الفوضة لا في الضوضة لا في الروضة
هادي هي حياة الليل حياة مقودة حياة معاودة الحياة السودة
ما ترتاح في حياة الليل لا في الفوضة لا في الضوضة لا في الروضة