كنبكي وأنا ضاحك ودموعي ما كتبان
ما قادر نبكي كيف الناس حيت قالوا فنان
خصوم نبان ديما ضاحك خاطيني الأحزان
ونساو باللِّي حتى الفنان في أصله إنسان
كنبكي وأنا ضاحك ودموعي ما كتبان
ما قادر نبكي كيف الناس حيت قالوا فنان
خصوم نبان ديما ضاحك خاطيني الأحزان
ونساو باللِّي حتى الفنان في أصله إنسان

ستيلو فيدي خايف يكتب لي باغي نقول
الورقة الكحلة كانت بيضة حيت المداد مدفول
السوايع كتموت كنحس باللي الوقت مشلول
ولساني مطاوع قلبي وعقلي كيشوفني مقتول
راك مكلّخ إذا فكرتي يشريوني
وراك كتفكر إذا فكرتي يمحيوني
وحيت كيفكروا مزيان فكروا يخليوني
وما خليتومشِ يكسيوني باش ما يعريوني
جمهوري عجبوا الفن عدياني شراو لي كفن
وأحبابي خايفين اسمعوا شي نهار ضربني الطران
أ راسي لا تحزن إذا ساؤوا فيك الظن
غدا يعرفوا الصح ملي التاريخ يبرهن
إسمي كيخلع أوباما وكيقولوا بعت الطرح
موسيقتي ماشي ضاما موسيقى ديالي جرح
حس بيّ وفهم شني باغي نقول
أما غير الفلوس را بلا ما نقول

كنبكي وأنا ضاحك ودموعي ما كتبان
ما قادر نبكي كيف الناس حيت قالوا فنان
خصوم نبان ديما ضاحك خاطيني الأحزان
ونساو باللِّي حتى الفنان في أصله إنسان
كنبكي وأنا ضاحك ودموعي ما كتبان
ما قادر نبكي كيف الناس حيت قالوا فنان
خصوم نبان ديما ضاحك خاطيني الأحزان
ونساو باللِّي حتى الفنان في أصله إنسان

ماعرفت علاش كنسى راسي وكنفكر في بنادم
دموعي تسيل مع المظلوم وكَلُّوم الظالم
وخا فهاد الزمان كل واحد في بحر عايم
كنغرق راسي في مشاكل وغير ربي لي عالم
شكون لي حاس بيّ شكون كيشوف دموعي؟
بزاف دايرين بيّ الوحدة تشق ضلوعي
العديان بعاد عليّ عساسين على وقوعي

العشران كيتبدلوا عليّ كل ما زدت درجة في طلوعي
كنحاول نبقى أنا وخا أنا خرج من طوعي
كنحترم راسي حيتاش راسي عمره كان مشروعي
كنتيق في ربي يغفر لي وخا مقصَّر فركوعي
ملي كتظلام عليّ الدنيا الدعاوي ديما شموعي
أصاحبي شكاتحسد؟ فواحد قلب جمد؟
باغي تكون فحال لي وليت بلا ما نقصد
الدنيا كتبرد العالم كيتحد
غتولي تضحك وإنت باكي وما شافك حد

كنبكي وأنا ضاحك ودموعي ما كتبان
ما قادر نبكي كيف الناس حيت قالوا فنان
خصوم نبان ديما ضاحك خاطيني الأحزان
ونساو باللِّي حتى الفنان في أصله إنسان
كنبكي وأنا ضاحك ودموعي ما كتبان
ما قادر نبكي كيف الناس حيت قالوا فنان
خصوم نبان ديما ضاحك خاطيني الأحزان
ونساو باللِّي حتى الفنان في أصله إنسان

دكاترة وشمكارة حافضين الرسالة
حيت كولشي صبروا تسالا في بلاد البطالة
الشعب ما راضي بالذل والبلاد ما عجبها حالة
قلت له عشيري تبدل خلي المرقة بدالة
ما فراسكش عايش ريجيم
كناكل بيت سيك وكنحلي غير بليريم
الراب تايق فيّ وأنا ما باغي نخليه يتيم
مشيت بيه بعيد جرب إنت جره ميلم
كليبات ألبومات الستوديو من جيبي

ما أنا صاحبي وزير ما أنا برلماني حبيبي
كنحرق لاصين بكاشي محكور حيت أنا مغربي
الواقع د الفن كحل وخا كنبان لك شيبي
الشهرة التصاور الأضواء والتلفزة
شحال من فنان مات ما خلا فلوس الجنازة
يمكن حيت العاقة كتموت في الاخر مازة
والراب هو الراب والدرهم بالقفازة

كنبكي وأنا ضاحك ودموعي ما كتبان
ما قادر نبكي كيف الناس حيت قالوا فنان
خصوم نبان ديما ضاحك خاطيني الأحزان
ونساو باللِّي حتى الفنان في أصله إنسان
كنبكي وأنا ضاحك ودموعي ما كتبان
ما قادر نبكي كيف الناس حيت قالوا فنان
خصوم نبان ديما ضاحك خاطيني الأحزان
ونساو باللِّي حتى الفنان في أصله إنسان