كان بالا غي في القراية ديالا تحشم من خيالا
راسا محني في الأرض تمشي نيشان نالدار ملي الحصة تسالا
عقلا كان نقي تفكر كيف تجي من اللولا
صحاباتا قلال وطبعاً ماشي كسالا

الحلم ديالا تكون طبيبة
ملي كتشوف البنات سقطوا كتجيها غريبة
حيث هي كتبكي إذا جات من اللولة قريبة
أما إذا جابت غير معدل مصيبة
والديها في الدار كايعيطولا غي المرضية
عملوا كثر من جهدم أو رباوها أحسن تربية
وخا اللي مربي فهاذ الوقت كيقولوا له نية
حيث في المجتمع الفاسد كيكون غير ضحية
كبرت نقية ذكية وربي عطاها الزين
قلبها الحنين عمره في الدنيا كان حزين
حتى عرفت باللي كاين في الدنيا شياطين
و ذياب و كلاب عاملين عليها العين

ما تمشيشْ باشْ ما تبكيشْ
ما تقشي بالكذوب وخلي الشرف يعيشْ
ما تخلي حتى ذيــب من قلبك قريب
يفرسْ أغلى معندك و في الصبح يغــيب
أَختي ما تمشيشْ باشْ ما تبكيشْ
ما تقشي بالكذوب و خلي الشرف يعيشْ
ما تخلي حتى ذيـــب من قلبك قريب
يفرسْ أغلى معندك و في صبح يغـــــيب

پوڭوص في باب الليسي واقف تالف
موالف يضحك لبنات الناس قلبه من الرحمة ولا ناشف
رَاد البال باللي كبرات قالا بغيت نتعارف
حڭراته كيفما حڭرات اللي قبل منه يمكن ألف
خونا بقى حالف ڭابلا غير غنان
اللي ما دوخ بولد فلان دوخ بالحب و الحنان وعنده حلاوة اللسان
كون مرة كريمة نهار على نهار الغنزورة ولات تبسيمة
صحباتا دخلوا معها قالوا لها ما هتكونشي معقدة
مسكين كيحماق عليك حشومة عليك تعمله هكذا
عطيه النمرة د التلفون بعدا
و هادشي عادي راك ماشي أول وحدة
خونا موهوب في التمثيل كلالا عقلا
بالا اللي كان مشغول بالقراية دبا بيه تبلا
ولات ترجع للدار مفافية و معطلة
والديها في غفلة باقيين كيشوفوها طفلة

ما تمشيشْ باشْ ما تبكيشْ
ما تقشي بالكذوب و خلي الشرف يعيشْ
ما تخلي حتى ذيــب من قلبك قريب
يفرسْ أغلى معندك و في الصبح يغــيب
أَختي ما تمشيشْ باشْ ما تبكيشْ
ما تقشي بالكذوب و خلي الشرف يعيشْ
ما تخلي حتى ذيـــب من قلبك قريب
يفرسْ أغلى معندك و في الصبح يغـــــيب

واحد النهار قالا بغيت نكونوا الراس في الراس
حيث كان مأكد باللي صافي بغاته بلا قياس
دغيا زرّفا وخلاها تهرب من الكلاس
مشات معاه وهي تايقة باللي ولد الناس
دخلت برجلا حتى وصلات نفراش الفخ
عاد عرفت باللي الشرف ديالا غيتوسخ

شافت كيف الحبيب ولا ذيب في لحمها يفرس
بقات مصدومة وغير كاتبكي بلا حس
الوحش سالا فتحلا الباب تمشي فحالا
حالتها حالة باقة متاقت باللي جرى لا
قلبها مجروح و خايفة من الدمعة تفضحها
تقلب الصفحة ولا حسنلا تقول مالا
مشالا كولشي بقلا غير السر المدفون
عارفة باللي السر شحال ما بقى عيخون
و الذيب باقي في باب الليسي فاين كايكون
و مخاسر والو بدل غير التلفون

ما تمشيشْ باشْ ما تبكيشْ
ما تقشي بالكذوب وخلي الشرف يعيشْ
ما تخلي حتى ذيـب من قلبك قريب
يفرسْ أغلى معندك وفي الصبح يغــيب
أَختي ما تمشيشْ باشْ ما تبكيشْ
ما تقشي بالكذوب وخلي الشرف يعيشْ
ما تخلي حتى ذيـب من قلبك قريب
يفرسْ أغلى معندك و في الصبح يغـيب