يما، اليوم زعمت وكتبت عليك
عارف بلي ما نقدرشي نعبر على كل ما في قلبي من جيهتك
كيف ما كان الحال زعمت وكتبت
هاذ الغنية ليك وللناس اللي شجعوني نكتب عليك
(بيس أند لوف (بيس أند لوف

اسمع، يا اللي بقيت في كرشك عايش تسعة شهور
يا اللي باش تحلي أيامي شحال شربتي المر
يا اللي رسمتي على وجهي الضحكة ملي بكيت مقهور
يا اللي كل ما ظلامت عليّ الدنيا كنت النور
عليك نكتب سطور وسطور ولو مدادي بحور
ما يكفى حيت كان باقي بكري ملي الوالد توفى
بان طريق الشوك هزيتيني وزطمتي بالحفى
تحديتي الزمان والعديان واللي يتشفى
تقلتي الكفة وقفتيني ملي كنت موقد بالواقفة
حررتيني ملي كنت موقد نمشي حر
وبقيت نمشي وندور وتقول لي كمل
ونزيد نمشي وندور وفيك نتأمل
سبحان اللي جعلك يما
إذا جيت نعطيك وصف، وصفك عمره تسمى
إذا جيت نعبر نلخص عجزي في الكلمة
جزيل الشكر لأعظم مرأة في الكون يما

يما، عليك نكتب السطور بدموعي
كلمة، الريح يهب ويطفي شموعي
يما، سمح لي حيت عاد صحيت
اليوم، سمح لي حيت عاد وليت
يما، عليك نكتب السطور بدموعي
كلمة، الريح يهب ويطفي شموعي
يما، سمح لي حيت عاد صحيت
اليوم، سمح لي حيت عاد وليت

اليومة ستة وألفين خمسة وعشرين سنة
مشيت في طريق ماشي في حالي اللي كنت تتمنى
دعيتي لي بالتوفيق باش قدرت نوصل هنا
خليتيني نحقق حلمي وحلمك يتسنى
حلمي حلمته نراسي حلمك نبني ساسي
حلمي باغي نكون حلمك باغياني نكون
قبل ما يفرفنا مول الكون والساعة شكون
شكون يتمنى لي، شكون يسهر الليالي
يتسنى رجوعي
اليوم نقول لك اسمح لي وعلى خذي تجري دموعي
قلبي طير بين ضلوعي عليك يغني
سمح لي حيت مشيت مع الزنقة وفني
سمح لي حيت ما قدرتشي نكون كيف قلبك متمني
سمح لي حيت عاد صحيت
سمح لي حيت مشيت واليوم وليت
ومعايا ساس الحلم، حلمك وحلم أي أم
حيت الأم كلمة ساهلة غير بالفم

يما، عليك نكتب السطور بدموعي
كلمة، الريح يهب ويطفي شموعي
يما، سمح لي حيت عاد صحيت
اليوم، سمح لي حيت عاد وليت
يما، عليك نكتب السطور بدموعي
كلمة، الريح يهب ويطفي شموعي
يما، سمح لي حيت عاد صحيت
اليوم، سمح لي حيت عاد وليت

خلي راسك مرفوع حيت ولدك جايب العز
مسلم كلمة قلوب الدراري بيها تهز
جريت في دم الدراري والدراري جراو في دمي
ميم سين لام ميم، والعالم يعقل إسمي
وليت محبوب في القلوب وليت متبوع مطلوب
ناس باغييني نكمل وناس باغييني نتوب
ناس شايفين فني فن وناس شايفينه ذنوب
ناس تفتش على الصح وناس تفتش على العيوب
بغاو يفهموا حياتي حلوا كل سطر مكتوب
فهموا لي قدروا يفهموا زادوا من عندهم كذوب
وما يهمنيش أ يما حيت اللي فهموني كثروا
وما تبكيش أ يما إذا عدياني غدروا
حيت عارفيني راجل وفي وجهي قاع ما قدروا
مسلم الهيبة في حياته ولا في قبره

يما، عليك نكتب السطور بدموعي
كلمة، الريح يهب ويطفي شموعي
يما، سمح لي حيت عاد صحيت
اليومة، سمح لي حيت عاد وليت
يما، عليك نكتب السطور بدموعي
كلمة، الريح يهب ويطفي شموعي
يما، سمح لي حيت عاد صحيت
اليومة، سمح لي حيت عاد وليت

إحترامي لأي أم باقة في الحياة ولا توفات
حيت مجرد أنها أم، يعني بكات يعني شكات يعني ضحات
وأي واحد بقاله الوالدة راه عنده كنز تحت قدامه الجنة
يعني كون سبع وحدا يماك غير اركع، يو