كان باقي بكري ملي مشيتي وخليتيني صغير
مشيتي على غفلة وخليتيلي في قلبي حزن كبير
مشيتي بالزربة حيت ربي كتب لك عمر قصير
مشيتي دغيا وخليتيني نتساءل ونحير
بقيت غير جالس في الدارنتسنا ما فاهم والو
يما رجعات بوحدا بلا بيك ودموعها سالو
شافتلي في عيني وقالت لي آولدي باباك مات
فمي تكوانسا تقهرت واختي الصغيرة بكات
عقلي كان باقي صغير ما استوعبشي المعنى د الموت
كانشوف ناس غراب يبكيوا ويمسحوا دموع الخوت
كانشوف الباب مفتوح كانقول مع بالي دابا تفوت
كانشوفك في كل بيوت كنشوفك في كل قنوت
باقي عاقل كيف عمرت الدار بكا ونواح
عيون بكات من القلب وعيون بكات دموع التمساح
ودغيا كلشي تقلب أحزان ولات أفراح
فحال لي صافي بكينا والدموع براو الأجراح

فاتوا أيام وشهور وفاتوا شحال من سنين
ذكريات بقات في البال براكين
يمكن الدموع نساوا ملي نساتك العين
لكن القلب مجروح وباقي عليك حزين
فاتوا أيام وشهور وفاتوا شحال من سنين
ذكريات بقات في البال براكين
يمكن الدموع نساوا ملي نساتك العين
لكن القلب مجروح وباقي عليك حزين

مشيتي من حياتي قبل ما ندرك نعرفك شكون تكون
مشيتي قبل ما ندركك نكبر ونشوفو بنفس اللون
مشيتي وأنا بقيت في ذكريات الطفولة مسجون
مشيتي وأنا بقيت عندي غير الظنون
كانظن كنتي مكافح كانظن كنتي صبار
كانظن حيت كنتي راجل بقينا مستورين في الدار
كانظن هادشي اللي كانظن عاودوه لي خوتي والحباب
كانظن بلي كانشبهليك يعني كنتي مهياب
فراغ لي خليتيه في حياتي كل نهار يكبر
نهار على نهار نفهم لغز ويبان لي سِّر
كلما فاتوا سنين كل ما تمنيت تكون قريب
كلما شرقت شمس كانحوقك ملي تغيب
كل لحظة في حياتي خليتي موطعك فيها خاوي
خليتي القلب مجروح جراح ولا دموع تداوي
ذكريات عطشانة وبوحدك كنتي الراوي
كلما زدت كبرت كلما عرفتك شنو ساوي

فاتوا أيام وشهور وفاتوا شحال من سنين
ذكريات بقات في البال براكين
يمكن الدموع نساوا ملي نساتك العين
لكن القلب مجروح وباقي عليك حزين
فاتوا أيام وشهور وفاتوا شحال من سنين
ذكريات بقات في البال براكين
يمكن الدموع نساوا ملي نساتك العين
لكن القلب مجروح وباقي عليك حزين

واخا ليام جرات وسنين مور بعطا تدبال
عمرك غرقتي في بحر النسيان بقيتي في البال
بقيتي في الماضي حاضر وبنيت لك فيه تمثـال
حيت كلمة الأب ماشي غير كلمة تتقـال
يمكن مشيتي بلا ما رجعتي لور ولو خطوة
خاليتي حياتي كتاب والصفحة ديالك عمرا تطوا
وكتبتي فيها باللي مشيتي بكري بلا ما تنـوا
كبرتي في عيني كل ما زدت نضجت وبقيتي قـدوة
كنتمنى تكون مفتاخر بيّ ونكون عند حسن الظن
ملي يشكروني الناس ويقولوا هذاك ولد فلان
وسماحلي إذا بسبابي ذكرك بالشر لسان
وإذا قسرت فحقك حيت أنا غير إنسان
هذي هي الدنيا وهذي سنة الحياة
كل شي فينا يـموت إلا الذكريات
ورود ليوم كيف ورود البارح غذا تدبال
حيت الحاضر هو الماضي في المستقبل

فاتوا أيام وشهور وفاتوا شحال من سنين
ذكريات بقات في البال براكين
يمكن الدموع نساوا ملي نساتك العين
لكن القلب مجروح وباقي عليك حزين
فاتوا أيام وشهور وفاتوا شحال من سنين
ذكريات بقات في البال براكين
يمكن الدموع نساوا ملي نساتك العين
لكن القلب مجروح وباقي عليك حزين

فاتوا أيام وشهور وفاتوا شحال من سنين
ذكريات بقات في البال براكين
يمكن الدموع نساوا ملي نساتك العين
لكن القلب مجروح وباقي عليك حزين
فاتوا أيام وشهور وفاتوا شحال من سنين
ذكريات بقات في البال براكين
يمكن الدموع نساوا ملي نساتك العين
لكن القلب مجروح وباقي عليك حزين