De matin, an vist l'aleta
E l'escauma dedins la mar.
Sente l'espina e l'aresta,
Partiràn pas a l'azard.
Es lo moment d'embarcar,
De peis ! De peis ! De peis !

Zòu ! Lo palangre e lei linhas,
Ti van escar tot aquò.
Que s'esbinhe la peissilha
Que son venguts per lo gròs.
Marchan totei a la traca,
L'uelh espinchant de pertot,
Que vòlon aguer la barca
Tota plena de bot en bot.
Es lo moment de cridar :
De peis ! De peis ! De peis !

Faràn una cançoneta,
Per esta dòna d'argent
Que resta au prefond de l'èrsa,
Perqu'alena lo bòn vent.
Es lo moment de cantar :
De peis ! De peis ! De peis !

Va-li, va-li, navega !
Va-li pescador,
Per ta rota d'aiga.
















De bon matin, ils ont vu la nageoire
Et l'écaille dans la mer.
Ça sent l'épine et l'arrête,
Ils ne partiront pas au hasard.
C'est le moment d'embarquer,
Du poisson ! Du poisson ! Du poisson !

Allez ! Le palangre et les lignes,
Ils vont appâter tout ça.
Que se cache le menu fretin
Car ils sont venus pour le gros.
Ils marchent tous à la traque,
L'œil fouillant partout,
Car ils veulent avoir la barque
Pleine d'un bout à l'autre.
C'est le moment de crier :
Du poisson ! Du poisson ! Du poisson !

Ils feront une chansonnette,
Pour cette dame d'argent
Qui habite au fond de la vague,
Pour que souffle le bon vent.
C'est le moment de chanter :
Du poisson ! Du poisson ! Du poisson !

Vas-y, vas-y, navigue !
Vas-y pêcheur,
Sur ta route d'eau.