الفيشار ( مش زى الافلام )


رن تليفون بغنوه بتفكره بيها كانت شغاله اول مره عينيه تلاقيها
ولما رد كان بقاله ساعه مستنيها قالتله انا خارجه ينفع لبكره نخليها
من سكات خد الفيشار ودخل دخل يتفرج على فيلم كان هبل
مرداش يخش الفليم الثانى من غيرها رغم انها لو فى مكانه مكنش هايجى فى تفكيرها
كام مره رجعت بالليل كلمته قالتله قد ايه فى يومها افتكرته
وكلامها ده هز قلبه وفرحه ونساه انها فى الايام دى نسيته
اصلها قالتله يستنى ويصبر عليها وانه هايجى يوم من الايام تيجى ايده فى ايديها
مش عارف ليه بتحكيله مره على واحد تانى ولما قالها ازاى قالتله ماتبقاش انانى
انا مش ممكن احبك وانك لازم تنسانى

ماقالتلوش ليه بس من وقتها ماصدقهاش من كتر ماكان بيحبها
لكن طلت آه ركناه على الرف وطلع هو آه واقف فى الصف
واتارى الدنيا مش حلوه كلها مش زى الافلام اللى هو بيحب يخشها
فتح عينيه بعد ماكانت مغمضه وقد ايه كان ظالم نفسه فى كل ده
بس فى يوم هيلاقى ست ستها وهتحبه اكتر ماكان بيحبها