ليه قافلة على نفسك قاعدة في حتة لوحدك
من شغلك لبيتك ومن بيتك لشغلك
ليه عنيك شايفة غيوم دي حتى السما زرقا
وإن كان ع الهموم والله مش فارقة
ليه نخلي جروحنا هي اللي تعيشنا
وليه نخلي قلوبنا الحزن حابسها

في نظرة في عنيك بتقول لي تعالى
طلعني من اللي أنا فيه أنا ليك محتاجة
وإن كان عليّ ده أنا أشيلك في عينيّ
لو سيبت اللي بينا يبقى حرام عليّ

وإن كان عليّ ده أنا أشيلك في عينيّ
لو سيبت اللي بينا يبقى حرام عليّ
حرام عليّ

إنسي لثانية دماغك وامشي ورا قلبك
ولّا إنت مش عايزة الدنيا تضحك لك
ليه شايفة القلوب مقفولة ومسدودة
وازاي عايزة الهروب وحابسة نفسك في أوضة
جروحنا بتقوينا وآلامنا بتدينا
الفرصة نتعلم الحياة دي جميلة

في نظرة في عنيك بتقول لي تعالى
طلعني من اللي أنا فيه أنا ليك محتاجة
وإن كان عليّ ده أنا أشيلك في عينيّ
لو سيبت اللي بينا يبقى حرام عليّ

في نظرة في عنيك بتقول لي تعالى
طلعني من اللي أنا فيه أنا ليك محتاجة

في نظرة في عنيك (في عنيك) بتقول لي تعالى

الفرحة والحزن جوانا موجودين بس علينا نختار
جوانا جنة وجوانا نار واحنا في إيدينا القرار

وأخيرا جيتي هديتي ورضيتي
ده الفرحة في عنيك شايفها حواليّ
وحياتي بيك أكيد حاجة ثانية
ورجوعك ليك أحلى حاجة في الدنيا