TARATASY FARANY

Nangina hatramin'izao
Irery ilay fitia
Adinonao sahady ny taloha
Niandry ihany aho sao
Handray avy aminao
Taratasy iray hampionona ahy

*** Refrain ***
Lavitra mampisy ny olana ho antsika
Asa raha mahatsiaro ahy ianao
Niharitra ny hatsiaka sy ny orana mikija
Ny embona no tsy mahasaraka ahy

Ny eritreritro mandà, ny ao am-poko toa tsy sahy
Tsy te hisaina hoe : voafitaka

Matoa aho nankaty
Tsy handositra fitia
Fa hanomana ho anao ny fiainana
Raha toa ianao minia
Tsy hamaly intsony koa
Dia taratasy farany ity

Miandry ny ho ela hoy aho toa haritro eny ihany
Ny manina tsy tia no mampijaly
Ny akany izay homaniko raha toa tsy andrinao
Dia mahita ny mendrika ianao

Hanova indray ny ampitsoko aho
Hiaina lavitra anao
Hanandrana aho raha izay no sitrakao

Auteurs : Elysé, Hery
Compositeur : Elysé