Noong ako'y ‘sang bata pa ako'y nagtataka
Kung saan nagmumula ang ilaw t'wing umaga
Tinuro ni ina ang bilog ng araw
Ito ay aking tiningnan at ako ay nasilaw

Ngayon alam ko na ang araw ay isang bituin
At tuwing gabi sa langit ako'y nakatingin
Libo-libong tala dito'y nagkikislapan
Libo-libong kasama sa dilim at kalungkutan

Araw sa umaga
Bituin sa gabi
Tala ng buhay
Kasama sa dilim at kalungkutan

Nang tayo ay magtagpo sa parang ng buhay
Pagkatao ko ay nagising sa ‘yong kamay
Pinag-aralan natin ang sining ng pag-ibig
Ako'y nagkalakas-loob tumibay tumindig

Ngayon alam ko na ang pag-ibig ay isang bituin
Batid mo ang tanglaw kahit ‘di kayang abutin
Ika'y biglang tumungo kung saan ‘di ko alam
Kasama ngayon sa pag-iisa'y pag-ibig na naiwan

Araw sa umaga
Bituin sa gabi
Tala ng buhay
Aanhin itong pag-ibig na naiwan

Nang malasahan ko ang dahas nitong mundo
Pag-ibig na naiwa'y nagkabagong-anyo
Naintindihan ko na ika'y naging tala
Ang ilaw mo'y tumatagos sa gabing nagluluksa

Ngayon alam ko na kitang tanan ay mga bituin
Mahina man ang ilaw ang araw ay darating at tayo'y liliyab
At ang gabi ay masisilaw
Sa libo-libong kasamang nagbibigay-tanglaw

Araw sa umaga
Bituin sa gabi
Tala ng buhay
Kitang tanan pala'y mga bituin
Pag-ibig natin ay magniningning