وضيف ربي قبلوني يا الهيجهات البنات
واحد لويلة جيت نبات عندكم

لا تخفوا رجليكم الغاديات البنات
تصنتوا لي وصغاو لي نفيدكم
بغيت نذكر ليكم حاجات شاهلات البنات
عند الجواد اللي هما مثيلكم
والطبيب عاجز والحالات ما غفات ويا البنات
والدواء كاين في يد الله ويدكم

آه ضيف ربي قبلوني يا الهيجات البنات
واحد لويلة جيت نبات عندكم

ودكم مولانا بالزين والثبات البنات
واجب عليّ حيث أنا بحالكم
حيدوا اللثام يبانوا الحاجبات البنات
يبان سر الله اللي عطاكم
واش فيكم شي مولوعات هايجات البنات
يعالجوا بدواكم الهوى في حربكم

آه ضيف ربي قبلوني يا الهيجات البنات
واحد لويلة جيت نبات عندكم

ما تحنوا في العاشق الكافرات البنات
ما ديروا شرعية في حكامكم
ما توقفوا في العاهد الغدارات البنات
ما تعرفوا بشان اللي يودكم
هايجات وقتالات ومحينات البنات
ويل بوه اللي يبان عليه غلبوه

آه ضيف ربي قبلوني يا الهيجات البنات
واحد لويلة جيت نبات عندكم

مشاو عليّ تبعتهم بالعين
مشاو عليّ آمان، آمان، آمان
مشاو عليّ خلاو دموعي
على خديا آمان، آمان، آمان
الزين، الزين) سمرة وكحلة العنين)
الزين، الزين) سمرة وكحلة العنين)
الزين، الزين) سمرة وكحلة العنين)
الزين، الزين