Get ou joli foular
Dovan ou la prézanté
Té asper dann ron kabar
Pou vni dovan ou ozé

Akoz li noré d’gou
Out min vni antouré
Pars na ryink sanm ou
Tousel li ve dansé

Li ve viv in romans
Là dann milie anparmi
Ler k’tout la bann i dans
Li fé son révérans
Sak néna otour i kont pi

Paré pou anvoyé
Pou lo ker i anbal
Pou lo kor i akord
Pou si la pist la pousier
Konm an zétwal i anvol

In moushwar lontan li té
Aster innot lépok
Mé lo mem valer respé
Jis pa lo mem kod

Ou té pa konma abiyé
Laba dann fon Tanambo
Mé jordi zo’ la artrouvé
Zo’ la vni abou tyinbo
Joli foular dansé

Dann bal kabar
Amont ou gayar

Wo joli foular pou done paké
Wo joli foular pou dansé