Z Nacht wenn ich stille Chummer ha
So viel mi heimlich plogt
Un wenn ich gar nit schloofe ka
Wil d Sorg am Bettrand hockt

Do denk ich z letscht
Was plogsch Di so
So elend Stund um Stund
Mäng ein het Ärgers z trage no
Un mueß au neh wie s chunt

Es schlaht an Uhre in d Nacht
Si goht taguus, tagii
Ob eis guet schlooft, ob s lit un wacht
Di letschti Stund schlaht si

Es goht a Wind duss uf d Gass
Es goht a herte Schritt
Woher? Wo ane wer weiß das?
Isch kein wo Antwort git?
Isch kein wo Antwort git
Isch kein wo Antwort git

Zletscht fallt ich mini miede Händ
Un bet - s wird still in mir
Oh Herr, am Afang un am End
S göhn alli Weg zu Dir