Sien jy die son wat opkom in die oggend?
Sien jy die strale krans?
Kyk dan hoedat dit Sy weg deur die lug baan
Somtyds agter wolke weggeskans

Net soos die son word ons deur Hom benodig
Met elk van ons het Hy ‘n doel
Gaan sit en dink dan oor al hierdie dinge
Dan sien jy wat ek bedoel

Kyk na die blomme wat groei voor jou venster
Sien jy die druppeltjies dou?
Net soos die blommetjies elkeen ‘n plek het
Is daar ook ‘n plekkie vir jou

Net soos die blomme word ons deur Hom benodig
Met elk van ons het Hy ‘n doel
Gaan sit en dink dan oor al hierdie dinge
Dan sien jy wat ek bedoel

Hy wil jou ken soos die son vriendelik warm
Of soos ‘n drupel dou verfrissend koel
Gaan sit en dink dan oor al hierdie dinge
Dan sien jy wat ek bedoel
Verstaan jy wat ek bedoel?