Һәркемнең бардыр үз юлы
Тәкъдире, җаны һәм әҗәле,
Бәхеткә ашкан иң рәхәт сәгате,
Якты гүрдә уңайлы ләхете.

Һәркемнең бардыр ялкыны,
Җил өзеп киткән байрагы,
Әрем кебек әче уйлары,
Күккә ашкан нурлары.

Һәркемнең бардыр иманы
Бардыр кылычы, бардыр сабаны
Тир түккән игенле яланы,
Рәхимсез койган каны.

Һәркемнең бардыр өмете,
Вәгъдәсе, әмере һәм хезмәте.
Дөньядан тыйган сере,
Һәркемнең бар гаебе.