Киң Туранның далалары
Еш кара урманнары,
Таралган җирнең йөзендә
Ак Бүре балалары.

Ялкында сынау алганнар,
Давыллар сындырмаган,
Тәңре, аждаһа канында
Тугачта коендырган.

Бөркет җәя канатларын,
Бүре дәшә улларын,
-Таң ата далада
Тыгыз тигез сафларын
Җимерә алмас дулкын
-Ашина алга!

Табгачта коллык белеп
Канатын кистермәгән
Кабиләләр башын иеп,
Тезләрен иелдергән

Отюкен ешлыгында,
Мәңге ут сүнми яна,
Аны армый-талмый саклый
Алиһә Умай ана
-.... армый-талмый.... Умай ана
-...саклый.... учак яна...

Бөркет җәя канатларын,
Бүре дәшә улларын,
-Таң ата далада
Тыгыз тигез сафларын
Җимерә алмас дулкын
-Ашина алга!

Әсирдә басылмаган,
Сугышта кырылмаган,
Вакыт-заманнарны гизеп,
Үз йөзен югалтмаган.

Киң Туранның далалары,
Күп Бумын оныклары,
Мавераннахр тузаннарында,
Киң таралган юллары.

....Киң таралган юллары
Үткендер кылычлары,
Даладан очкан кеби
Һич бардыр канатлары.

Һич бардыр канатлары,
Тулпарлардыр атлары,
Даланың чын хуҗалары
Ак бүре балалары.