أنا عايز أعرف كل ده بيحصل لي ليه
كثر الوجع خلاني مش قادر أكمل
متقفلة ومتخبطة وآخرتها إيه
ده أنا لو جبل واقف مكاني مكانش يتحمل
مكسور وسوء الإختيار بقى خصلة فيّ
وحاولت أغير دنيتي وحالي شوية
بتعب على نفسي عشان متعبش أكثر ما أنا تعبان
عمّال بقاوح يمكن ألقى بداية لي

أنا حد ثاني مش أنا، أنا شخص تايه معرفوش
مبقتش عارف مين أنا جوايا خوف مفهمتهوش
حاسس حياتي اتلخبطت وبتنتهي قدام عينيّ
شايف همومي إتكومت وكل يوم بتهد فيّ
وكأن حاجة مكتفاني بتشدني علشان ما أقومش
وسحابة سودة مغمياني في سكتي ومش عايزة تمشي

من الجاي خايف مبقتش عارف إيه اللي لازم أرميه ورايا
أيّام وساكت وحقيقتي تاهت ولا حل نافع أبداً معايا
رافض أشوف نفسي ضعيف ما أنا لو رضيت إحساس مخيف
باين عليّ في الدنيا ديّ هفضل في توهة لحد النهاية
أنا حد ثاني مش أنا، أنا شخص تايه معرفوش
مبقتش عارف مين أنا جوايا خوف مفهمتهوش