طول ما قلبك لسه صافي أوعى تزعل أو تشيل
أوعى حد في يوم يغير طبع فيك طيب جميل
الحياة مش سهلة يمكن والبشر بقوا شيء يخوف
بس ربك برضه قادر يسندك لو يوم تميل

مش هنرضي الكل يعني ومين أساسا بيراضينا
مين في كل اللي اديناهم من عيوننا كان شرينا
كل واحد يجي حبة وياخذ اللي في النصيب
وأما يمشي يقولوا ويحكي ع اللي مش فينا وفينا

شوف نصيبك فين وكمل الحياة واسعة وطويلة
زيّ ما قابلت اللي كسرك برضه في أشخاص جميلة
في كلام ما اتقالش لسه في آمان هتحسه ثاني
واللي روحه كريمة حب مش هيرضى بناس بخيلة

بكرة جايب ناس نظيفة وفيها خير عكس اللي فاتوا
بكرة أقابل حد صافي يشوفني أعظم إنجازاته
لما أكون ماشي بأصولي وأرضي كل اللي يروحوا لي
يبقى مش هزعل عليهم أصلي عايش هما ماتوا