तिन्हिसांजेला प्रभुचरणाशी एक नित्य प्रार्थना
तिन्हिसांजेला प्रभुचरणाशी एक नित्य प्रार्थना
तिमिर जळू दे ज्योत उजळु दे
तिमिर जळू दे ज्योत उजळु दे हीच मनोकामना हीच मनोकामना
तिन्हिसांजेला प्रभुचरणाशी एक नित्य प्रार्थना

ओलांडून हा सोनउंबरा लक्षुमी आली घरी
सरस्वतीचा हात धरुनी तिला पूजुया उरी
सौभाग्याचे अभंग लेणे
सौभाग्याचे अभंग लेणे जपु या कुंकुंमखुणा जपु या कुंकुंमखुणा
तिन्हिसांजेला प्रभुचरणांशी एक नित्य प्रार्थना

वत्‍सलतेचा गहिवर जेथे स्पर्श प्रभूचा तेथे
‍होऊन मुरली घन:श्यामाची गोकुळनगरी गाते
तोच फुलांना जागविणारा
तोच फुलांना जागविणारा विश्वाची प्रेरणा विश्वाची प्रेरणा
तिन्हिसांजेला प्रभुचरणांशी एक नित्य प्रार्थना

वाळवंटी ही कृष्णकमलिनी होऊन मीरा झुरते
ठायी ठायी रूप तयाचे ध्यानामधुनी दिसते
जन्‍म होऊ द्या नृत्य हरीचे
जन्‍म होऊ द्या नृत्य हरीचे मंगलमय चेतना मंगलमय चेतना
तिन्हिसांजेला प्रभुचरणांशी एक नित्य प्रार्थना
तिमिर जळू दे ज्योत उजळु दे
तिमिर जळू दे ज्योत उजळु दे हीच मनोकामना हीच मनोकामना
तिन्हिसांजेला प्रभुचरणांशी एक नित्य प्रार्थना