ही वाट दूर जाते
ही वाट दूर जाते
स्वप्नामधील गावा
ही वाट दूर जाते
स्वप्नामधील गावा
माझ्या मनातला का
तेथे असेल रावा
ही वाट दूर जाते

जेथे मिळे धरेला
आभाळ वाकलेले
अस्ताचलास जेथे
रविबिंब टेकलेले
जेथे खुळ्या ढगांनी
जेथे खुळ्या ढगांनी
रंगीन साज ल्यावा
माझ्या मनातला का
तेथे असेल रावा
ही वाट दूर जाते

स्वप्नामधील गावा
स्वप्नामधून जावे
स्वप्नातल्या प्रियाला
मनमुक्त गीत गावे
स्वप्नातल्या सुखांचा
स्वप्नींच वेध घ्यावा
माझ्या मनातला का
तेथे असेल रावा?
ही वाट दूर जाते

घे साऊली उन्हाला
कवळून बाहुपाशी
लागुन ओढ वेडी
खग येति कोटरासी
एक एक चांदणीने
एक एक चांदणीने
नभदीप पाजळावा
माझ्या मनातला का
तेथे असेल रावा
ही वाट दूर जाते
स्वप्नामधील गावा
माझ्या मनातला का
तेथे असेल रावा
ही वाट दूर जाते