चंद्रातुनी तुझ्या या बरसात चांदण्याची
लाजू नकोस राणी दे साथ जीवनाची
दे साथ जीवनाची
चंद्रातुनी तुझ्या या
आ आ आ आ
आ आ आ आ
बिलगून आज बोले ही प्रीत साजणाची
बिलगून आज बोले ही प्रीत साजणाची
आले नवी वधू मी ही रात मीलनाची
ही रात मीलनाची
चंद्रातुनी तुझ्या या
आ आ आ आ

हा कुंभ चंद्रिकेचा ओतीत शुभ्र धारा
उबदार गारव्याचा अंगावरी शहारा
आली जणू कळी ही उमलून यौवनाची
दे साथ जीवनाची
चंद्रातुनी तुझ्या या
आ आ आ आ

माझ्या पुढे उभी तू लेऊन रूप साज
का हासते कळेना डोळ्यांमधील लाज
समजूत काढवेना या बावऱ्या मनाची
ही रात मीलनाची
चंद्रातुनी तुझ्या या
आ आ आ आ

हाती तुझ्याच हात हा स्पर्श अमृताचा
घुमतो मनात सूर संसार संगीताचा
गाऊ मिळून नांदी भावी सुखी क्षणांची
दे साथ जीवनाची
चंद्रातुनी तुझ्या या