बैल तुझे हरणावाणी गाडीवान दादा
तरूण माणसाच्या मनीचा जाण तू इरादा
गाडीवान दादा गाडीवान दादा

वाट नागमोडी वेडी तुझी फुलोऱ्याची जोडी
वाट नागमोडी वेडी तुझी फुलोऱ्याची जोडी
ऊन सावल्यांचा झाला आगळा कशिदा
गाडीवान दादा गाडीवान दादा

गाव साजणीचा दूर शहारून येतो ऊर
गाव साजणीचा दूर शहारून येतो ऊर
सूर तिच्या लावण्याचे घालतात सादा
गाडीवान दादा गाडीवान दादा

परत साद देण्यासाठी शीळ येऊ पाहे ओठी
परत साद देण्यासाठी शीळ येऊ पाहे ओठी
पलीकडे खेड्यामाजी वसे एक राधा
गाडीवान दादा गाडीवान दादा

ये सर्जा
स्वप्नभारल्या एकांती तिचा हात यावा हाती
स्वप्नभारल्या एकांती तिचा हात यावा हाती
जनी भेटवी रे मित्रा राधिका मुकुंदा
गाडीवान दादा गाडीवान दादा
गाडीवान दादा गाडीवान दादा
ये सर्जा