ما صدقش قلبي إني هعيش في بعاده وأنا مجروح
قال لي هيمشي وقلت يمشي هيجرى إيه يعني
ما نعرفش قيمة الحاجة إلا يا قلبي لما تروح
وعرفت قيمته لكن خلاص ما بقاش بيسمعني
في حب عادي بيتنسي وفي حب زي الروح
ما أعرفش أنا ضيعته ولا الحب ضيعني

ما حاستش أبدا بالسعادة يا قلبي بعده في يوم
باين عليّ الجرح مهما بداري وبخبي
ومش فارقة مين فينا اللي ظالم ولا مين مظلوم
أصل النهاية هي، هي حبيبي مش جنبي
صدق اللي قال إنه مافيش في الدنيا فرح يدوم
وأهو خذ معاه ضحكة سنيني وخذ معاه قلبي

أنا كل ما أجي أحاول أنسى أفتكره وأنا بنساه
وتعبت من وجع الفراق وتعبت من دمعي
خذ كل حاجة حلمت بيها وهو ماشي معاه
ما أخدش ليه طيب كمان جرحي وخذ وجعي
ما أنكرش إن أنا طبعي قاسي وكنت صعب معاه
لكن إني أنسى وأخون هواه أهو ده اللي مش طبعي

ما أعرفش أنا
ما أعرفش أنا ضيعته ولا الحب ضيعني