يشابه طاري الذكرى كبيرً خانه التعبير
يسولف عن بلاده عقب ما اعداه استحلوها

بعد طراك عندي من كذا لليله بلا تفسير
يلبسنا الخطايا الموجعه ويقول شلوها

مشاريهه علينا من زعل ولا فنكرم غير
انا وياك قصه لو تزيد احداث ملوها

ولا تندم ولا يطري عليك تحس بالتقصير
ولا لك ذنب هذي سنةً للبدو سنوها

تجمعهم مزاهير الفياض ليا اكتست نوير
ولحظات الموادع لاجرت ما عاد تنوها

وحن بدوً رعينا بالمشاعر في زمان الخير
ويوم استجدبت قاع الغلا والقدر خلوها

نزلنا فالموده منزلً ما جاه غير الطير
وشدينا من قفور الموده يوم دلوها

لكني كل ما ناحرت لعلومك هبوب عصير
تمادو بالعلوم اهل الشماته لين قالوها

علومك عند شامت مثل مسكً عند نافخ كير
وانا عكس الظنون الي بي الشمات ظنوها

قسم بالله مفرحني شعور انك هناك بخير
مثل فرحة فقيرً حاجته منه استغلوها

اذا وقف بعيد وشاف بنته من بعيد تسير
ضحك لا شافها تضحك لهلها الي تبنوها