فيـك النـوادر من قصيد الجزاله
يامصوّر الابداع في قفر الأبيات

شهور مابادرتني في رساله
عسى البلا من شركة الاتصالات

ياشوق ماسويت فيني جماله
ذبحت صبري وإستبحت الملذات

دربك سنود ونقل حملك عباله
ارميك مره واتحملك مرات

وكسيتني من كم ثوبك جهاله
ولك سلطةٍ في تـالي الليل بالذات

لاقبل بديجوره ودوبـح هلالـه
وسرى به المستوحش وله تلفّات

وبيت الكريم اللي يفرّش حـلالـه
للمقبلين بساعة الخيـر لاجات

ذرا وجاره عقب طرّف دلالــه
النار هبّت وأصغر الجمر مامات

تسري علي إليا استوى كل دالـه
تقول أراوح من خيول العمارات

ذباح ماتدمي وجرحك ال حاله
يامورد الهايم على الموت بسكات

ليت الولايف مثل وضع العماله
من غاب بلغنا عليه الجوازات