मोहरला मधुमास
मानसी मोहरला मधुमास
घडता नित्य तुझा सहवास
सहवास मोहरला मधुमास
मानसी मोहरला मधुमास
मधुमास

तव स्पर्शाने गुलमोहर तो
अंगाअंगातुन बहरून येतो
तव स्पर्शाने गुलमोहर तो
अंगाअंगातुन बहरून येतो
नयनांमधली नयनांमधली
निळी मोहिनी करिते नित्य विलास
हो मोहरला मधुमास
मानसी मोहरला मधुमास
मधुमास

नसता कोणी हिरव्या रानीं
गंधवतीला जवळ घेउनी
नसता कोणी हिरव्या रानीं
गंधवतीला जवळ घेउनी
माझ्या भवती
माझ्या भवती टाक मुलायम मृदुल करांचा पाश
हो मोहरला मधुमास
मानसी मोहरला मधुमास
घडता नित्य तुझा सहवास
सहवास मोहरला मधुमास
मधुमास मधुमास