आ आ आ आ मज सुचले ग
सुचले मंजुळ गाणे
मज सुचले ग
सुचले मंजुळ गाणे
मज सुचले ग
सुचले मंजुळ गाणे
मज सुचले ग
हिंडता डोंगरापाठी
सापडले कोरीव लेणे
मज सुचले ग

बोलावून घुमटी वाद्ये
बोलावून घुमटी वाद्ये
तालात नाचते प्रीती
शब्दाविण होती गीते
शब्दाविण होती गीते
बेभान भावना गाती
हा लाभ अचानक झाला
हे कुण्या प्रभूचे देणे
मज सुचले ग
सुचले मंजुळ गाणे
मज सुचले ग

आकृती मनोहर इथल्या
मी एक त्यातली झाले
लावण्य बरसते येथे
सर्वांग तयात मी न्हाले
सौंदर्य जीवन आले
जन्माचे झाले सोने
मज सुचले ग