من كثر عثراتي وخيبات العمر
وغدر الحبيب اللي غدا
ما هو حبيب، حبيب
ما عاد فيني حيل باقي أو صبر
وحالات حزني فيني تودي وتجيب، تجيب

تلعب بي الآهات وإحساس القهر
من قسوة الإحباط والحال الصعيب
من قال بالدنيا بشر توفي لبشر
واللي تحبه فيه ظنك ما يخيب

لا والله إلاّ الغدر يتلاه الغدر
والحب كذبة بين شك وبين ريب
واللي تحبه ليش يطعن في الظهر
ترى أصعب الغدرات لا جات من قريب

صار الوفا نادر وغلطاتي عبر
والعمر في طوله وفي قصره كئيب
ما عاد أفكر في حنين ولا انتظر
مثل الغريب اللي مفارق له غريب

من كثر عثراتي وخيبات العمر
وغدر الحبيب اللي غدا
ما هو حبيب، حبيب
ما عاد فيني حيل باقي أو صبر
وحالات حزني فيني تودي وتجيب، تجيب

والليل هذا لا نجوم ولا قمر
وأشيائي الحلوة عن عيوني تغيب
لا حولي المينا وأنا وسط البحر
في زحمة الأحزان قلبي مستصيب

عزاه يا عزاه يا خيبة عمر
عزاه يا قلبٍ غدا ما له حبيب
من كثر عثراتي وخيبات العمر
وغدر الحبيب اللي غدا ما هو حبيب

من كثر عثراتي وخيبات العمر
وغدر الحبيب اللي غدا
ما هو حبيب، حبيب
ما عاد فيني حيل باقي أو صبر
وحالات حزني فيني تودي وتجيب، تجيب