شوارعي كئيبة دماغي غريبة
مختلف عنهم كلهم حبيبتي جميلة
أنا قليل الحيلة وإيدي قصيرة
بس ده ما يمنعش هتقل هصيبك وألبس مصيبة
ما ستنانيش غير الموت

مفيش غير ضلمة ومفيش صوت
مدينة مهجورة والهوا قلاب
لو فيها هتحس إنك وحيد في الكون
يا ريتك داري إن الأفضل وحيد
فيها حراس وفي إيدهم حديد
لو حسوا إنك غيرهم في رأسك غير الأبيض واسود هنقول شهيد
هنقول شهيد
الخوف بيحاوطك الضلمة حضناك
مدينة المذنبين نسيوا الصلاة
حاكم سمين وفي إيده سيجار
متحاوطين بسور كلهم أشرار

فيها بنات بيفوقوا في الورد الجمال
بالدبابات داسوا العيال حرموا الحلال
فاكر إنك كده مستخبي
مش بموت وميتين رصاصة في قلبي
مش مصدقين عايشين حيطان جنبي
عازف ألحانك وانت معاك أوتار آلتي
الأرض دي سودة والقضبان خوفك

هنا الكلام موتك والأحلام موجة
إكبر عشان تتباع سوق سودة
أو عيش هناك مع الناس دولا
والمجموع مش هيجيبك
مفيش سلام، سلام سيبك
راسمين طريق بخطوط إيدك
متعليش الصوت مش هيفيدك
عشان بيتك جوة حيطة
سارقين كله من غيطك
بحرق سيجار دخان هيبة
ملكش مكان غير نور ليلك

كان في المكان ده ألوان
الرسمة اختفت كان في هنا إنسان
غلطة الشاطر واقع غني بان
هتاخذه وتنساه
أصله إتفك واتباع
إيه ده، إيه ده دول ما متوش
الطفل اللي أتزرع اتحول وحوش
ما كذبوش قاموا من وسط الغفلة
يصطادوا القروش
يصطادوا القروش
يصطادوا القروش