Meditasyon
Ki moun ki pé krè,
San lanmou, san n’sourir san roun fler,
Li pwé viv tchò kontan ?
E ké tan pasé,
San lanmou, san n’sourir san roun fler,
Li pa gannyen chagren la so thò ?

Ki moun ki pwé di,
Li mété so lespri a labri di lanmou pou lavi ?
E pwé fè nou krè,
Ki li swiv so chimen san douler,
San n’ dlo wey vin terni so boner ?

Ki moun an solo,
Pouvé jwé roun mélodi koun dio ?

A la réfleksyon,
Roun lanmou roun sourir ké roun fler, pa poté solisyon.
Ké méditasyon,
Yé pwé bay nou limyèr di lespwar pou kléré nou pasyon.