صباحكوا فل يا رجالة
عطلت والإمتحان هيطير
(أوصلكوا طيب (جدع وطيب
طب شدوا حيلكوا وإنشا الله خير
دي مساعدتك تفرق كثير
من غير مناسبة كده بحبك
ومزاجي أنا أدلعك أهاديك
يا سيدي بختك مين فينا قدك
حبيبي ليّ أنا مين بعديك
دي كلمتك تفرق كثير
شوف إزاي حاجات بسيطة
تفرق إزاي ولو بسيطة
يمكن حاجة) صغيرة تفرق عندهم أكثر)

وقعت في الفخ يا ناصح
وعلينا بقى كل التظابيط
البدلة وصلت) والزفة جهزت)
عقبالكوا بقى تلبسوا في الحيط
دي وقفتك تفرق كثير
آخر طبق مين كان عايزه
من بدري وإنتوا هنا واقفين
حلال عليك تسلم عينيكي
بألف هنا ليكوا يا حلوين
دي مجاملتك تفرق كثير
شوف إزاي حاجات بسيطة
تفرق إزاي ولو بسيطة
يمكن حاجة) صغيرة تفرق عندهم أكثر)

على بالي جيت قولت أما أسأل
إزيك إنت واحشني كثير
يسلم لي ذوقك) لازم أزورك)
سؤالك أصله ده عندي كثير
دي مكالمتك تفرق كثير
أنا جيت أبارك وأهني
مولود جديد نور مبروك
قمر لمامته طالع لخالته
إوعى يا واد تطلع لأبوك
دي مباركتك تفرق كثير
شوف إزاي حاجات بسيطة
تفرق إزاي ولو بسيطة
يمكن حاجة صغيرة تفرق عندهم أكثر