Oh I'll sing ye's a stave if ye'll gie’s yer attention
It's nae tale o' pity, it's nae tale o' woe
It’s nae word o' honour or love will I mention
But I'll sing o' a lassie I kent lang ago

Nae better than maist, and nae worse as mony
And what drew me tae her 's no easy tae say
She was coorse, she was heartless and she wasnae that bonnie
But she was the star o' the bar in her day

I've stravaiged the Royal Mile wi' her, drinkin' in style wi' her
Rose Street frae end tae end aften surveyed
Focht and swore in the pubs wi' her
Rolled in the dubs wi' her, cadged mony subs frae her, never repaid

Nae better than maist, and nae worse as mony
And what drew me tae her 's no easy tae say
She was coorse, she was heartless and she wasnae that bonnie
But she was the star o' the bar in her day

A' ye chaps wi' young lassies believe me love soon passes
And a' yer bricht dreams is but straws in the wind
Better yin wha'll sit doon wi' ye, sing a fine tune wi' ye
Pass the gless roond wi' ye, drink hersel blind

Nae better than maist, and nae worse as mony
And what drew me tae her 's no easy tae say
She was coorse, she was heartless and she wasnae that bonnie
But she was the star o' the bar in her day

Nae better than maist, and nae worse as mony
And what drew me tae her 's no easy tae say
She was coorse, she was heartless and she wasnae that bonnie
But she was the star o' the bar in her day